• MyTheater

梅啟明「財迷心竅」告《梅艷芳》侵權 梅媽都「割席」? | 港產片娛樂

梅艷芳胞兄「遺產界KOL」梅啟明近日控告《梅艷芳》電影嘅製片商安樂影片涉侵犯其持有嘅「梅艷芳」商標,要求賠償,但一向同佢感情甚佳嘅梅媽竟然反對梅啟明嘅呢次控告!


My Theater -梅啟明 告《梅艷芳》侵權 梅媽都「割席」? |


由安樂影片發行嘅電影《梅艷芳》已突破四千萬票房!電影描述樂壇天后梅艷芳嘅一生,由細個荔園賣唱到最後一個演唱會都有回顧,雖然未能將所有事件盡錄,但有一部電影能夠將梅姐嘅傳奇流傳落去,已經好難得。


My Theater - 電影《梅艷芳》

近日,梅艷芳胞兄「遺產界KOL」梅啟明控告片商安樂影片涉侵犯其持有嘅「梅艷芳」商標,要求賠償。原來早喺2004年,梅啟明將「梅艷芳」及「Anita Mui」申請成為註冊商標。一向同佢感情甚佳嘅梅媽今次罕有地反對呢次控告,佢指呢單嘢根本「都唔關佢事,做乜去告人」,仲覺得「兒子財迷心竅」!對於呢番言論,梅啟明嘅回應係「有咩問題呢?」

My Theater - 梅媽


雖然梅啟明的確有就「梅艷芳」名字註冊商標,但有報導指出,申請嘅音樂、電影等防禦商標仍未完成註冊,相關商標未必有效用。再者,即使商標受到保障,亦並冇寫明不准其他人拍有關梅艷芳嘅電影。


最新電影/劇集資訊,盡在My Theater 電影專頁!

 

歡迎嚟到 My Theater 我的電影館 ​My Theater 係一個香港人成立嘅電影 Blog,定期為大家分享最新電影新聞和資料、精彩及經典嘅電影對白、同埋我對電影嘅見解,透過呢個網站,希望令更多人愛上電影! 🎬 記得追蹤 My Theater Instagram: https://www.instagram.com/mytheaterclub 🎬 記得追蹤 My Theater Facebook:

https://www.facebook.com/MYTheaterClub

🎬 歡迎電郵任何試映 /廣告 /合作 /電影新聞稿至 mytheaterclubbusiness@gmail.com 📩


1/2

精選電影文章 🌟

🎲 My Theater 隨機為大家分享一套好戲!

立即Follow Instagram 緊貼最Update電影內容