• MyTheater

【懶人包】《奇異博士2》16個主要角色介紹!經典人物回歸?多元宇宙只有一個「她」? | 外國電影分析

Marvel 最新電影《奇異博士2:失控多元宇宙》大玩多重宇宙!除咗熟悉面孔以外,仲有唔少有趣嘅新角色,以下為大家逐一介紹《奇異博士2》出現過嘅主要角色!#劇透

奇異博士2 16個主要角色介紹

以下係《奇異博士2:失控多元宇宙》主要角色介紹(含劇透)


.

.

.

#劇透!!!

.

.

.


🎬 《奇異博士2》角色 - 奇異博士 (616號宇宙)

MCU 世界(616號宇宙)原本嘅奇異博士即使睇咗 14,000,605 個結局,但都冇劇透《終局之戰》。奇異博士雖然被當成多重宇宙威脅之一,但616宇宙嘅佢卻係最正義,即使到最後關頭仍然選擇相信America Chavez 而冇奪去佢生命去完成任務。


《奇異博士2》角色 - 奇異博士

奇異博士其實內心感到孤單,並唔係過住所謂開心嘅生活,但正正因為正義英雄願意犧牲小我,先能夠令世界安然無恙。


616號宇宙嘅奇異博士係唯一出現於電影而未死嘅奇異博士。


《奇異博士2》角色 - 奇異博士


🎬 《奇異博士2》角色 - 奇異博士/ 至尊史傳奇 (838號宇宙)

838號宇宙嘅奇異博士係光明會(Iluminati)創辦人,因使用Darkhold 而導致了Incursion 發生,最後喺光明會指示下,黑蝠王(Black Bolt)將佢處決。光明會其後向外界隱瞞真相,製造奇異博士敗於戰場嘅假象,令人民可以有一個英雄去崇拜。


《奇異博士2》角色 - 奇異博士/ 至尊史傳奇  (838號宇宙)


🎬 《奇異博士2》角色 - 奇異博士/ 捍衛者「紮馬尾」史傳奇

電影最早出現嘅奇異博士,因為嘗試奪去America Chavez 嘅能力而被怪獸偷襲致死。但「紮馬尾史傳奇」死後戲份更為重要,事關616號宇宙嘅奇異博士透過Dreamwalking 操控「紮馬尾史傳奇」,當佢扯線公仔玩足全個Final Act。


《奇異博士2》角色 - 奇異博士/ 捍衛者史傳奇

《奇異博士2》角色 - 奇異博士/ 捍衛者史傳奇


🎬 《奇異博士2》角色 - 奇異博士/ 邪惡史傳奇

三眼仔史傳奇為最邪惡嘅奇異博士,因為使用Darkhold 而走火入魔,更因為咁產生Incursion 破壞自己所處嘅世界(如果唔行錯路,可能係一個偉大嘅音樂家)。值得一提係呢個邪惡史傳奇 (Sinister Strange) 同《What If…?》動畫系列嘅Supreme Strange 並唔係同一個人。


《奇異博士2》角色 - 奇異博士/ 邪惡史傳奇

《奇異博士2》角色 - 奇異博士/ 邪惡史傳奇


🎬 《奇異博士2》角色 - Wanda Maximoff / Scarlet Witch (616號宇宙)

曾經嘅英雄,今集嘅大奸角。經歷過父母、阿哥、情人嘅死亡後Wanda 變得喪心病狂成為Scarlet Witch,更自編自導自演一套Disney Plus 嘅電視劇。


《奇異博士2》角色 - Wanda Maximoff / Scarlet Witch

為咗得到佢想要嘅美好家庭生活(淨係要細唔要大),佢研究Darkhold 嘗試穿越到另一宇宙,更為達到目的不擇手段,殺死一班魔法大師以及好幾個Cameo 角色。最後被838號宇宙嘅Wanda 安撫後,放下執念,自我解決。


《奇異博士2》角色 - Wanda Maximoff / Scarlet Witch


🎬 《奇異博士2》角色 - Wanda Maximoff / Scarlet Witch (838號宇宙)

838號宇宙嘅Wanda 過住美好家庭生活,其後被616號宇宙嘅Scarlet Witch 以Dreamwalking 操控,追捕America Chavez。雖然被受操控,但Wanda 明白Scarlet Witch 嘅苦況,因此以自身角度出發去安撫Scarlet Witch,令佢放下執念。


《奇異博士2》角色 - Wanda Maximoff / Scarlet Witch (838號宇宙)

《奇異博士2》角色 - Wanda Maximoff / Scarlet Witch (838號宇宙)


🎬 《奇異博士2》角色 - America Chavez

America Chavez 擁有穿梭多重宇宙嘅能力,細個因為未能控制能力而誤將自己兩位母親送到另一個宇宙,自此感到內疚,變得冇自信。長大後,America 被Scarlet Witch 派怪獸追捕,其後同奇異博士展開多重宇宙旅程。


《奇異博士2》角色 - America Chavez

最後,喺616號宇宙嘅奇異博士鼓勵下,America Chavez 終於自主地利用穿梭多重宇宙能力去開啟送門。而家America Chavez 留守喺616號宇宙嘅Kamar-Taj 訓練。


眾多個宇宙中,只有一個America Chavez。


《奇異博士2》角色 - America Chavez


🎬 《奇異博士2》角色 - Wong

Wong 因為史傳奇喺Blip 事件中失蹤而接替成為至尊魔法師,係一個按規矩做人嘅魔法師。作為至尊魔法師,佢可以接觸禁忌資料,例如Darkhold 嘅真正來源。今集嘅Wong 除咗展現魔法能力,更示範唔少戰鬥技術,睇嚟冇白費五年有多嘅訓練。


《奇異博士2》角色 - Wong


🎬 《奇異博士2 》角色 - Carl Mordo (838號宇宙)

Carl Mordo 係838號宇宙嘅至尊魔法師以及光明會成員,同原本616宇宙嘅Mordo 一樣都係按部就班。雖然唔知Mordo 同佢時間線嘅奇異博士係咪真係兄弟,但可以肯定佢同616宇宙嘅奇異博士爭執過後唔會當佢係朋友。另外,今集並冇出現原本616號宇宙嘅Mordo。


《奇異博士2 》角色 - Carl Mordo