• MyTheater

【2022香港電影金像獎】「冷面笑匠」許冠文獲金像獎終身成就獎! | 港產片新聞

香港電影金像獎今日率先公布許冠文成為「第四十屆香港電影金像獎」終身成就獎得主!同時剪接師周國忠獲專業精神獎!

許冠文金像獎終身成就獎!

金像獎雖然延期至7月17號舉行,但今日電影金像獎先公布「第四十屆香港電影金像獎」其中兩大獎項得主。許冠文以及剪接師周國忠分別獲頒終身成就獎和專業精神獎!恭喜晒!


許冠文作為上世紀最出名嘅喜劇天王,從七十年代開始自編自導自演多部經典港式喜劇,例如《鬼馬雙星》、《雞同鴨講》、《半斤八両》、《摩登保鑣》,每部都笑爆嘴,而且更打破唔少香港票房紀錄!1982年,更憑住《摩登保鑣》奪得第一屆「香港電影金像獎」最佳男主角榮銜!現年79歲嘅許冠文終於得到最高榮譽終身成就獎,實在可喜可賀!


許冠文

許冠文摩登保鑣

許冠傑 半斤八兩


剪接師周國忠喺香港電影圈有「金鉸剪」美譽,初頭喺新藝城為多部電影做剪接,後期更特別到美國為公司引進新科技,可以話係新藝城功臣之一!獲得專業精神獎前,已經獲獎無數,包括香港電影金像獎、台灣金馬獎、亞太影展中獲得最佳剪接獎!


剪接師周國忠


最新電影資訊及電影分析,盡在My Theater電影專頁!

 

歡迎嚟到 My Theater 我的電影館 ​My Theater 係一個香港人成立嘅電影 Blog,定期為大家分享最新電影新聞和資料、精彩及經典嘅電影對白、同埋我對電影嘅見解,透過呢個網站,希望令更多人愛上電影! 🎬 記得追蹤 My Theater Instagram: https://www.instagram.com/mytheaterclub 🎬 記得追蹤 My Theater Facebook:

https://www.facebook.com/MYTheaterClub

🎬 歡迎電郵任何試映 /廣告 /合作 /電影新聞稿至 mytheaterclubbusiness@gmail.com 📩



1/2

精選電影文章 🌟

🎲 My Theater 隨機為大家分享一套好戲!

立即Follow Instagram 緊貼最Update電影內容