• MyTheater

中國改寫《搏擊會》電影!擅自「和諧」了電影結局! | 外國電影娛樂

近日David Fincher 執導嘅經典電影《搏擊會》(Fight Club) 於中國騰訊平台上架,但呢部經典之作竟然被擅自加插一個和諧嘅結局!
(今次要破例講關於Fight Club了~)
My Theater - 《搏擊會》電影

相信咁多位影迷都一定睇過由Edward Norton 同Brad Pitt 領銜主演嘅電影《搏擊會》,當呢部批評現代社會弊端、反資本主義嘅劇情類電影,遇到一向有嚴謹電影審查制度嘅中國嘅時候,又會帶來點樣嘅效果?

My Theater - 《搏擊會》電影 Brad Pitt & Edward Norton

《搏擊會》原本講到主角將城市嘅大樓逐一炸毀,暗示主角成功實行反資本主義嘅計劃,呢一幕兩人望住窗外大樓一一墜毀喺電影史上一個經典結局。

My Theater - 《搏擊會》電影 經典結局


但近日中國騰訊平台上架嘅《搏擊會》,網民表示睇到無奈,事關呢部電影嘅結尾,比起當年上映時多咗一段文字,呢段文字話畀觀眾知警方最後拉咗主角,而且主角更被送入精神病院接受心理治療。

My Theater - 《搏擊會》電影 中國結局改編版本

一直以嚟,中國網民都比較可惜,因為嚴謹嘅電影審查制度,令唔少外國電影未能夠喺中國公開上映,即使可以上映嘅電影,劇情亦可能會被刪減或遮蓋。而今次加插另一個結局更為罕見,但亦係意料之內。就連中國網民都睇唔過眼:

My Theater - 《搏擊會》電影 中國結局改編 網民反應



最新電影資訊及電影分析,盡在My Theater電影專頁!

 

歡迎嚟到 My Theater 我的電影館 ​My Theater 係一個香港人成立嘅電影 Blog,定期為大家分享最新電影新聞和資料、精彩及經典嘅電影對白、同埋我對電影嘅見解,透過呢個網站,希望令更多人愛上電影! 🎬 記得追蹤 My Theater Instagram: https://www.instagram.com/mytheaterclub 🎬 記得追蹤 My Theater Facebook:

https://www.facebook.com/MYTheaterClub

🎬 歡迎電郵任何試映 /廣告 /合作 /電影新聞稿至 mytheaterclubbusiness@gmail.com 📩



1/2

精選電影文章 🌟

🎲 My Theater 隨機為大家分享一套好戲!