• MyTheater

古天樂耗資4.5億製作《明日戰記》 實現拍科幻片夢想 | 港產片新聞

終於等到啦!籌備多年,古天樂全力監製嘅《明日戰記》將會喺8月25號盛大公映!總製作費高達4.5億港元嘅《明日戰記》將會係香港最具規模嘅科幻巨著!

《明日戰記海報



《明日戰記》由天下一電影製作,古天樂擔任電影總監製,係香港少見嘅科幻電影!


《明日戰記》古天樂

導演吳炫輝所創立嘅香港製作公司發輝製作室(Fat Face)製作媲美荷李活嘅電腦特效,呈現動力裝甲同機械人等高科技裝備,甚至外星生物嘅破壞,預告已經睇得出落咗好多功夫!


《明日戰記》電腦特技

另外《明日戰記》有古天樂、劉青雲、劉嘉玲、姜皓文等大卡士主演,以及張家輝友情助陣,可以話係2022年度最受矚目嘅港產片!


《明日戰記》古天樂、劉青雲、姜皓文

古天樂喺報導透露,自己一直想拍屬於香港人嘅科幻片,所以今次親力親為身兼監製同主角完成呢個夢!


《明日戰記》令影迷等到頸都長,亦曾經被譽為係港產片嘅「都市傳說」!翻查記錄,原來預告喺2017年已經先行發放,等足5年終於可以喺大銀幕見面!大家記住入場支持!



立即睇《明日戰記》最新預告:


最新港產片資訊及電影分析,盡在My Theater電影專頁!

 

歡迎嚟到 My Theater 我的電影館 ​My Theater 係一個香港人成立嘅電影 Blog,定期為大家分享最新電影新聞和資料、精彩及經典嘅電影對白、同埋我對電影嘅見解,透過呢個網站,希望令更多人愛上電影! 🎬 記得追蹤 My Theater Instagram: https://www.instagram.com/mytheaterclub 🎬 記得追蹤 My Theater Facebook:

https://www.facebook.com/MYTheaterClub

🎬 歡迎電郵任何試映 /廣告 /合作 /電影新聞稿至 mytheaterclubbusiness@gmail.com 📩



1/2

精選電影文章 🌟

🎲 My Theater 隨機為大家分享一套好戲!

立即Follow Instagram 緊貼最Update電影內容