• MyTheater

杜琪峯監製 MakerVille 出品電影《命案》!Lokman 「癲癲神神」演技受導演鄭保瑞同林家棟肯定! | 港產片新聞

早前電訊盈科新公司MakerVille 舉行發布會,除咗宣布電視上同旗下藝人未來嘅發展,更透露即將進軍香港電影市場!MakerVille 出品嘅港產片《命案》將會由杜琪峯、游乃海及朱淑儀監製,鄭保瑞執導,影帝林家棟同Mirror隊長楊樂文等人主演!

Makerville 港產電影《命案》發布會


由VIU TV 前總經理魯庭暉領軍嘅MakerVille 早前舉行發布會,宣布一系列新作品。MakerVille 將會集中製作更多影視作品,進行唔同嘅嘗試,甚至將香港製作發放至全世界!


MakerVille 除咗涉獵到VIUTV 原本在行嘅港產電視劇同真人騷之外,更宣布會踏足香港電影市場,推出港產電影《命案》!MakerVille 更搵到電影界傳奇「杜Sir」杜琪峯、《樹大招風》監製游乃海及朱淑儀監製,《智齒》導演鄭保瑞執導,而曾經奪得兩次香港電影金像獎最佳編劇嘅游乃海會聯同李春暉一同編寫劇本。


Makerville 港產電影《命案》杜琪峯監製

Makerville 港產電影《命案》電影劇照

電影《命案》係MakerVille 首部原創電影,由 Golden Scene發行,電影講述茶餐廳少東 (楊樂文飾演) 送外賣到鳳姐的單位時,地上紅紅的鮮血滲到他的鞋上,因而揭發了鳳姐被殘殺的凶案。血腥味挑起了少東與生俱來的殺戮衝動,算命大師 (林家棟飾演) 並狠批他大劫將至,如果不想餘生在獄中度過,他必須靠風水扭轉命格。但老探員 (吳廷燁飾演) 堅信少東是個天生的變態殺人魔,肯定是鳳姐凶案的凶手,誓要將其繩之於法……


導演鄭保瑞睇完游乃海《命案》故事後,認為故事會令人思考喺唔可以逆轉嘅命運中如何自處,自己應該點樣行之後嘅路,尤其喺客觀環境改變唔到嘅情況,自己面對命運嘅態度。


Makerville 港產電影《命案》電影劇照

演員方面,由影帝林家棟、Mirror 嘅楊樂文 Lokman、吳廷燁、伍詠詩同陳湛文主演。導演鄭保瑞同監製朱淑儀見盡晒全香港同一年齡層嘅演員,最後覺得Lokman 係唯一一個有可能演得到呢個角色嘅演員!林家棟喺一個訪問中更稱讚Lokman 幾適合演癲癲神神嘅角色。似乎評價唔錯!


Makerville 港產電影《命案》電影楊樂文Lokman 劇照

Makerville 港產電影《命案》電影楊樂文Lokman 劇照

Makerville 港產電影《命案》電影林家棟劇照

Makerville 港產電影《命案》電影吳廷燁劇照

最新港產片資訊及電影分析,盡在My Theater電影專頁!

 

歡迎嚟到 My Theater 我的電影館 ​My Theater 係一個香港人成立嘅電影 Blog,定期為大家分享最新電影新聞和資料、精彩及經典嘅電影對白、同埋我對電影嘅見解,透過呢個網站,希望令更多人愛上電影! 🎬 記得追蹤 My Theater Instagram: https://www.instagram.com/mytheaterclub 🎬 記得追蹤 My Theater Facebook:

https://www.facebook.com/MYTheaterClub

🎬 歡迎電郵任何試映 /廣告 /合作 /電影新聞稿至 mytheaterclubbusiness@gmail.com 📩



1/2

精選電影文章 🌟

🎲 My Theater 隨機為大家分享一套好戲!