賀歲片中秋上？《飯戲攻心》率先公佈新檔期 | 港產片新聞

因政府早前將戲院等多個娛樂場所關閉，賀歲片唔能夠喺新年檔期上映，即使而家戲院重開，似乎電影公司都想「睇定啲」再排香港電影上映期。

今年兩部賀歲片《飯戲攻心》同《闔家辣》原本可以同大家笑住過年，但疫情又來襲，戲院又被封，最後無緣喺新年上映，唯有延期。即使而家戲院可以重開，但似乎電影公司都想「睇定啲」再排香港電影上映期，始終戲院依然未可以全院坐滿，對票房都有一定程度影響。

不過，好消息嚟啦！由黃子華、鄧麗欣、王菀之同張繼聰等主演嘅《飯戲攻心》率先公佈電影將會喺中秋上映！食住中秋團圓去講一家人嘅故事～除咗落實中秋檔期呢個好消息，原來《飯戲攻心》最近入圍第24屆意大利烏甸尼遠東電影節競賽單元（Far East Film Festival），同時獲提名競逐The Mulberry Award 最佳劇本大獎！實在可喜可賀！