• MyTheater

電影不及預告好?(1):《星球大戰:最後絕地武士》- Don't Judge A Movie By Its Trailer | 外國電影分析

預告就係電影嘅簡介,透過短短三分鐘令我哋以正確角度去期待電影。但往往預告都違反商品說明條例,有時為咗配合宣傳,電影預告會剪得好緊湊、甚至營造原本電影冇但觀眾會希望感受到嘅Tone,從而將兩小時嘅享受變成衝撞。
My Theater 星球大戰:最後絕地武士海報

今日 My Theater 同大家分析吓《星球大戰:最後絕地武士》預告同電影嘅差別。





🎬 #星球大戰最後絕地武士 Star Wars: The Last Jedi | 2017


《星球大戰:最後絕地武士》係星球大戰系列嘅第八部。除咗因為星球大戰本身係一部高評價嘅經典太空歷險電影外,上集The Force Awakens舖排唔少引人入勝嘅謎團,例如Rey嘅身世或者Luke Skywalker隱居嘅原因,令到唔少Fans都非常期待 The Last Jedi。


我哋先睇吓《星球大戰:最後絕地武士》預告:



預告唔單止為電影設定一個陰暗而且嚴峻嘅語調,我哋更喺預告睇到經典角色(好似Luke同Leia)嘅絕望,就好似Rebellion已經走投無路,只剩下僅餘嘅希望。配埋激昂嘅音樂節奏,同紅色為色調嘅畫面,實在為之緊張!自然對電影有無限大嘅期望!


My Theater 星球大戰:最後絕地武士劇照


The Last Jedi上映之後,負評湧現。喺上集舖排嘅情節、經典角色嘅回歸等,預告都好似應承你係可以期待!但最後,大家嘅期待統統都未能喺電影出現。


以為Rey嘅父母係重要來頭,點知只係所謂Nobody。而一向正義嘅Luke Skywalker竟然對外界置身事外,電影仲要一下就將The Force Awakens嘅結尾「揼」走咗...


My Theater 星球大戰:最後絕地武士劇照


唯一同預告差唔多,就係電影的確喺場景佈置同畫面上做咗好多功夫,My Theater 覺得呢部電影係喺星球大戰系列中最靚嘅一套~


My Theater 星球大戰:最後絕地武士劇照

唔少觀眾對電影嘅不滿,主要係歸咎於導演兼編劇Rian Johnson,認為故事有好多不必要嘅plot twist、或者懶搞笑嘅情節等。而本身電影有唔少嘅不足,因為一個不實嘅預告擴大現實同期望差距,繼而帶嚟更大嘅失望~


所以大家記得,Don't Judge A Movie By Its Trailer!


記得緊貼 My Theater 專頁嘅電影分析!

 

歡迎嚟到 My Theater 我的電影館 ​My Theater 係一個香港人成立嘅電影 Blog,定期為大家分享最新電影新聞和資料、精彩及經典嘅電影對白、同埋我對電影嘅見解,透過呢個網站,希望令更多人愛上電影! 🎬 記得追蹤 My Theater Instagram: https://www.instagram.com/mytheaterclub 🎬 記得追蹤 My Theater Facebook:

https://www.facebook.com/MYTheaterClub

🎬 歡迎電郵任何試映 /廣告 /合作 /電影新聞稿至 mytheaterclubbusiness@gmail.com 📩

1/2

精選電影文章 🌟

🎲 My Theater 隨機為大家分享一套好戲!

立即Follow Instagram 緊貼最Update電影內容