香港戲院重開！《蝙蝠俠》等電影4月強勢上映！| 外國電影新聞

香港影迷注意！隨住社交距離措施逐步放寬，香港嘅戲院將會喺4月21號重開！唔少電影已經宣布會陸續上映！

政府宣布放寬社交距離後，華納率先宣布電影上映期！《怪獸》系列嘅第三部作品，《怪獸與鄧不利多的秘密》將會喺放寬第一日4月21號上映，而大家期待已久，由Robert Pattinson 主演嘅《蝙蝠俠》亦會喺4月27號上映。另外，派拉蒙亦宣布Sandra Bullock 同Channing Tatum 嘅喜劇《失驚無神闖謎城》都會喺21號上映！相信遲啲會有港產片上映嘅消息，尤其錯過新年檔期嘅賀歲片！