Anson Lo 豁出去 易服扮女出演《假冒女團》| 港產片新聞

教主Anson Lo 盧瀚霆參演嘅首部電影《假冒女團》最近出咗新預告，其中有唔少鏡頭見到Anson Lo 放下偶像包袱，以一身女人裝扮出演！

Anson Lo 喺電影《假冒女團》中飾演一名「國際保障未成年少男少女身心健康發展協會」會員，將會連同娛樂記者（蘇皓兒演）、歌手（李靜儀演）等組成女團，調查選秀活動「新星產線」對年輕人嘅影響。Anson Lo 要男扮女裝潛伏當中，而預告中已經有唔少易服扮女畫面，相信「神徒」一定感到興奮！